கடகம்

மன்மத வருட ராசி பலன்கள் 
 Tamil Horoscope Rasi Palan


Astrology‎ Tamil


Aries | Taurus | Gemini | Cancer | Leo | Virgo
Libra | Scorpio | Sagittarius | Capricorn | Aquarius Pisces


கடகம் : மன்மத வருட ராசி பலன்

நல்லது, கெட்டதை சமமாக பாவிப்பவர்களே! உங்களுடைய ராசிக்கு 7-ம் வீட்டில் சந்திரன் நிற்கும்போது புத்தாண்டு பிறப்பதால் உங்களிடம் மறைந்து கிடக்கும் திறமைகள், அறிவாற்றலை வெளிப்படுத்த நல்ல சந்தர்ப்ப சூழ்நிலை அமையும். விஐபிகளுக்கு நெருக்கமாவீர்கள். கல்யாணப் பேச்சுவார்த்தை சாதகமாக முடிவடையும். விலை உயர்ந்த மின்னணு, மின்சார சாதனங்கள் வாங்குவீர்கள்.
உங்கள் ராசிக்கு 10-ம் வீட்டில் செவ்வாய் ஆட்சி பெற்று அமர்ந்திருக்கும்போது இந்த வருடம் பிறப்பதால் வேலைக்கு விண்ணப்பித்து காத்திருப்பவர்களுக்கு நல்ல நிறுவனத்தில் இருந்து அழைப்பு வரும். வீடு வாங்கும் ஆசை நிறைவேறும். பிள்ளைகளால் செல்வாக்கு உயரும். மகளுக்கு எதிர்பார்த்த நிறுவனத்தில் உயர்கல்வி, உத்தியோகம் கிடைக்கும். மகனுக்கு நல்ல வாழ்க்கைத் துணை அமையும்.
இந்த ஆண்டு முழுக்க உங்களின் சப்தம அஷ்டமாதிபதியான சனிபகவான் 5-ம் வீட்டிலேயே தொடர்வதால் மனஇறுக்கம் உண்டாகும். தெளிவாக முடிவு எடுக்கமுடியாமல் குழம்புவீர்கள். பூர்வீக சொத்துப் பிரச்சினை வெடிக்கும். சிறுசிறு விபத்துகள் ஏற்படக்கூடும். பயணங்களால் அலைச்சல், செலவுகள் அதிகமாகும். 4.7.2015 வரை குரு ராசிக்குள் அமர்ந்து ஜென்ம குருவாக தொடர்வதால் அலர்ஜி, நோய்த் தொற்று, செரிமானக் கோளாறு, மஞ்சள் காமாலை, அல்சர் வரக்கூடும். பிரச்சினைக்கு மேல் பிரச்சினை வருகிறதே என்று ஆதங்கப்படுவீர்கள்.
5.7.2015 முதல் குருபகவான் தன ஸ்தானமான 2-ம் வீட்டில் நுழைவதால் பழைய பாக்கிகள் கைக்கு வரும். ஈகோ பிரச்சினையால் பிரிந்திருந்த கணவன்-மனைவி ஒன்று சேருவார்கள். குழந்தை பாக்கியம் கிடைக்கும். தடைபட்டிருந்த சுப நிகழ்ச்சிகள் நடக்கும். மருந்து, மாத்திரையில் இருந்து விடுபடுவீர்கள். அடகில் இருந்த வீட்டு பத்திரங்கள், நகைகளை மீட்க பண உதவிகள் கிடைக்கும். 7.1.2016 வரை ராகு உங்கள் ராசிக்கு 3-ம் வீட்டில் அமர்ந்திருப்பதால் துணிச்சலாக சில முடிவுகள் எடுப்பீர்கள். தன்னிச்சையாக செயல்படுவீர்கள். ஷேர் மூலமாக பணம் வரும்.
வழக்கில் நல்ல தீர்ப்பு வரும். 9-ம் இடத்தில் கேது நிற்பதால் தந்தைக்கு மருத்துவச் செலவுகள், பிதுர்வழி சொத்து சிக்கல்கள், வீண் விரயச் செலவுகள் வந்து போகும். 8.1.2016 முதல் ராகு 2-ம் வீட்டில் நுழைவதாலும், கேது 8-ல் சென்று மறைவதாலும் எதிலும் ஒருவித தயக்கம், தடுமாற்றம், ஆர்வமின்மை, பிறர்மீது நம்பிக்கையின்மை வந்து செல்லும். கண் பார்வையைப் பரிசோதித்துக் கொள்ளுங்கள். காலில் அடிபட வாய்ப்பிருக்கிறது. முன்கோபத்தால் நல்லவர்களின் நட்பை இழக்க நேரிடும். வியாபாரத்தில் லாபம் வரும். சித்திரை, வைகாசி, ஐப்பசி, மார்கழியில் புது ஏஜென்சி, ஒப்பந்தங்கள் கையெழுத்தாகும்.
உங்களது கடின உழைப்பை அதிகாரிகள் புரிந்து கொள்வார்கள். குற்றம், குறை கூறிய உயர் அதிகாரிகளின் மனம் மாறும். பதவி, சம்பள உயர்வு இனி தடையின்றி கிடைக்கும். இந்த தமிழ் புத்தாண்டு மதில்மேல் பூனையாக இருந்த உங்களை குன்றிலிட்ட விளக்காக ஒளிர வைக்கும்.

   Get a Free Domain Name    Beautiful WebsiteLow Cost Webhosting Free SEO ServicesGoogle search ranking update
www.thirukadaiyurmarriage.com
E SEVAI MAIYAM AADHAAR CENTRE 
COMMONSERVICE CENTRE 
 Logo designWeb developer Ecommerce websiteWebsite Templates
 Graphic designingGoogle PageRankWeb Design Studio Sami Enterprises NamakkalWeb Solutions